“AZƏRENERJİ” ASC-NİN İCTİMAİYYƏTLƏ ƏLAQƏLƏR VƏ MƏTBUAT XİDMƏTİNİN MƏLUMATI

Tarix : 06-12-18 11:30

2018-ci ilin noyabr ayında “Azərenerji” Açıq Səhmdar Cəmiyyəti tərəfindən istehsal edilən elektrik enerjisinin həcmi 1,965 milyard kilovat-saat təşkil edib.  

2017-cı ilin noyabr ayında bu rəqəm 1,730 milyard kilovat-saat olub.

Ölkə enerjisisteminin əlaqəsi olan dövlətlər ilə elektrik enerjisi mübadiləsi carı ilin müvafiq dövrü ərzində qarşılıqlı şəkildə həyata keçirilib.

Qeyd edək ki, hazırda energetika sektorunun əsas subyektlərindən olan “Azərenerji” ASC qarşısında müəyyən edilən yeni prioritetlər və hədəflər əsasında  “Ölkə enerjisistemində yaranmış kritik vəziyyətin aradan qaldırılması məqsədilə işlənib hazırlanmış reabilitasiya üzrə Tədbirlər Planı” çərçivəsində aparılan fundamental yenidənqurma tədbirləri və genişmiqyaslı müasirləşdirmə prosesi sürətlə davam etdirilir.