Bütün enerji obyektlərində olduğu kimi “İmişli Regional Elektrik Şəbəkəsi”nin xidməti ərazisində yerləşən bütün yarımstansiyalarda, transformator məntəqələrində, o cümlədən, komplekt transformator məntəqələrində və elektrikötürücü xətlərdə də son üç ay ərzində bir sıra təmir-bərpa işləri yerinə yetirilmişdir. REŞ-dən “Azərenerji” ASC-nin Mətbuat xidmətinə daxil olan məlumatda belə deyilir.

Qaynağın verdiyi məlumata görə, REŞ-in “Kürdəmir” elektrik şəbəkəsi üzrə 110 kV-lik “Kürdəmir” yarımstansiyasından çıxan 10 kilovoltluq “Şəhər-1”, “Şəhər-2”, “Şəhər-3”, C.Cabbarlı,  “Nizami”, “Kolxoz-2”, “Dəyirman” yarımstansiyasından çıxan 10 kV-lik “Kolxoz-1”, “Sığırlı” yarımstansiyasından çıxan hava elektrik verilişi xətlərində (HEVX) ümumilikdə 4,8 kilometr məsafədə əsaslı və cari təmir işləri aparılıb.

Rayonun Topal-Həsənli, Karrar, Atakişili, Mollakənd, Sor-sor, Qocalı, Ərəbqubalı, Qarabucaq, Xırdapay, Dayıkazımlı, Qağacılı, Silayan, Şal sevən, Pirili, Çöl-Ərəb, Ərəbqubalı kəndlərində və Kürdəmir şəhəri ərazisində ümumilikdə 5,3 km məsafədə əsaslı və cari təmir işləri aparılmış, istehlakçıların elektrik enerji təminatı daha da yaxşılışdırılmışdır.

Elektrik Şəbəkəsi üzrə 10/0,4 kilovoltluq transformatroların təmiri də aparılan təmir işlərinin tərkib hissəsini təşkil etmişdir.  Belə ki, sözügedən dövr ərzində burada 33 ədəd müxtəlif güclü 10/0,4 kilovoltluq transformator təmir edilərək istifadəçilərin ixtiyarına verilmişdir.

Analoji yenidənqurma işləri REŞ-in “Beyləqan” elektrik şəbəkəsi üzrə də aparılmışdır.

Mənbənin verdiyi məlumata görə, EŞ-nin “Beyləqan”, “Yeni Beyləqan”, “Daşburun”, “Kəbirli”, “Yeni Xocavənd” yarımstansiyalarının 10 kV-lik  hava elektrik verilişi xətlərində 3 km-dən artıq məsafədə təmir-bərpa işləri aparılıb.  Rayonun Şəfəq, Eyvazlılar, Təzəkənd, Qarallar, Türklər, Əhmədli, Əlinəzərli, Orta Əlinəzərli,  Dünyamalılar, Milabad, Qəhrəmanlı, Şahsevən kəndlərində və Beyləqan şəhəri ərazisində ümumilikdə 0,4 kV-lik HEVX-lərdə 5,5 kilometr məsafədə əsaslı və cari təmir işləri icra edilib.

Burada son üç ay ərzində 26 ədəd müxtəlif güclü transformatorlar təmir edilərək normal iş rejiminə gətirilib.

Müəssisədən bildirildiyinə görə, müntəzəm olaraq yerinə yetiriliən təmir-bərpa işləri enerji ötürücülərin iş qabiliyyətini artırır, enerji itkilərinə yol açan amilləri  məhdudlaşdırır.