Beyləqanın elektrik enerjisi təchizatı sistemində payız-qış mövsümünə hazırlıq işləri əsasən başa çatdırılmışdır.  Elektrik şəbəkəsinin təmirçilər briqadası xətt və yarımstansiyalarda zəruri profilaktik tədbirləri həyata keçirirlər.

Sözügedən müəssisədən “Azərenerji” ASC-nin Mətbuat xidmətinə daxil olan məlumata görə, mövsümə hazırlıq üzrə tədbirlər planına uyğun olaraq həyata keçirilmiş yenidənqurma və müxtəlif təyinatlı təmir işləri rayonun elektrik təsərrüfatının dayanıqlığını daha da möhkəmləndirilmişdir.

Mənbə onu da bildirdi ki, müəssisə üzrə cari ilin oktyabr ayında ümumilikdə 8,6 milyon kilovatsaatdan artıq elektrik enerjisi istehlak edilmişdir. Bu da ötən ilin müvafiq dövründəki istehlakla müqayisədə 1,1 milyon kilovatsaata yaxın çoxdur. Ödəniş isə ötən ilin müvafiq dövründəki göstərici ilə müqayisədə mütlər 10 faizə yaxın çoxdur. O cümlədən, daimi əhali istehlakçı qrupunda ötən ilin müvafiq dövrü ilə müqayisədə istehlak 530 min kilovatsaata yaxın artaraq 2,6 milyon kilovatsaatdan artıq olmuşdur. Ötən ilin müvafiq dövrü ilə müqayisədə ödənişdə mütləq artım 15 faizə yaxın olmuşdur.

Qeyd edək ki, cari ilin 10 ayı ərzində isə ümumilikdə 93,8 milyon kilovatsaatdan artıq elektrik enerjisi istehlak edilmişdir ki, bu da ötən ilin müvafiq dövründəki istehlakdan 2,7 milyon kilovatsaata yaxın çoxdur. Ödəniş isə ötən ilin müvafiq dövründəki göstəricidən mütləq 6,1 faiz çoxdur. O cümlədən, daimi əhali istehlakçı qrupunda isə istehlak ötən ilin müvafiq dövründəki istehlakla müqayisədə 9 faizə yaxın artaraq 31,2 milyon kilovatsaata yaxın olmuşdur. Ödənişdə mütləq artım isə 6 faizdən artıq olmuşdur.

Mənbədən əldə edilən digər bir məlumata görə, cari ilin oktyabr ayında burada keçirilmiş reydlər zamanı 270 istehlakçının sayğac uçot komplektində qüsur aşkar edilərək 641,4 min kilovatsaata yaxın itirilmiş elektrik enerjisinin 38,5 min manata yaxın istehlak dəyəri bərpa edilmişdir. 2013-cü ilin 10 ayı ərzində isə müəssisənin xidməti ərazisində keçirilmiş reydlər zamanı 1220-dən artıq istehlakçının elektrik enerjisindən istifadə qaydalarını pozması faktı aşkar edilmişdir. Aşkar edilmiş qayda pozuntuları müvafiq qaydada aktlaşdırılmış, 2 milyon 732,5 min kilovatsaatdan artıq itirilmiş elektrik enerjisinin 164 min manata yaxın istehlak dəyəri bərpa edilmişdir. Həyata keçirilən müvafiq tədbirlər nəticəsində həmin bu məbləğin 63 faizə yaxın hissəsinin ödənişi hesabat ayında təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir.