İtkilərin azaldılması qarşıda duran ən mühüm vəzifələrdən biridir. Bu istiqamətdə müvafiq tədbirlər müntəzəm olaraq davam etdirilir. Bütün Elektrik Şəbəkələrində (EŞ) olduğu kimi, Mingəçevir EŞ-də də elektrik enerjisindən qeyri-qanuni istifadənin qarşısının alınması istiqamətində xeyli işlər görülmüş və bu istiqamətdə tədbirlər davam etdirilir.

Sözügedən müəssisədən “Azərenerji” ASC-nin Mətbuat xidmətinə daxil olan məlumata görə, burada cari ilin iyul ayında keçirilmiş reydlər zamanı istehlakçının (bunun 4-i  abonent (q/əhali) istehlakçıları qrupuna aiddir) sayğac uçot komplektində qüsur aşkar edilərək 30,8 min kilovatsaatdan artıq (bunun 28,2 min kilovatsaata yaxını  abonent (q/əhali) istehlakçıları qrupuna aiddir) itirilmiş elektrik enerjisinin 1,8 min manatdan artıq istehlak dəyəri bərpa edilmişdir.

Mənbəyə istinadən qeyd edək ki, 2013-cü ilin 7 ayı ərzində keçirilmiş reydlər zamanı 174 (bunun 23-i  abonent (q/əhali) istehlakçıları qrupuna aiddir) qayda pozuntusu faktı aşkar edilərək 3 milyon 928,6 min kilovatsaata yaxın (bunun 177,6 min kilovatsaata yaxını  abonent (q/əhali) istehlakçıları qrupuna aiddir) itirilmiş elektrik enerjisinin 235,7 min manatdan artıq istehlak dəyəri bərpa edilmişdir. Həyata keçirilən müvafiq tədbirlər nəticəsində həmin bu məbləğin 23 faizə yaxın hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir. Onu da bildirək ki,  yenə də kənar xətt vasitəsilə elektrik enerjisindən istifadə edilməsi halı üstünlük təşkil etmişdir.

“İstehlakçıların daha da dayanıqlı və keyfiyyətli elektrik enerjisi ilə  təchiz etmək, yarana biləcək hər hansı bir qəzanın qarşısının vaxtında alınması məqsədilə  elektrik verilişi xətlərində (EVX) və transformator məntəqələrində (TM) müvafiq təmir işləri həyata keçirilir” – deyən mənbə onu da bildirdi ki, cari ilin son üç ayı ərzində müəssisənin balans mənsubiyyətinə aid olan 6 kV-lik 8, 11, 12, 23, 25 və digər bir neçə, eyni zamanda A. Məmmədov, Xətai və digər küçələrdə 0,4 kV-lik xətlərdə həyata keçirilmiş müxtəlif təyinatlı təmir işləri zamanı ümumilikdə 6,2 kilometr xətt təmir edilmiş, 10-dan artıq dayaq  dəyişdirilmiş, eyni sayda travers quraşdırılmış və 500 metrə yaxın SİP kabel xətti çəkilmişdir. Təmir kampaniyası zamanı paralel olaraq  27 TM-də də müxtəlif təyinatlı təmir işləri həyata keçirilmişdir.

Onu da qeyd etmək yerinə düşərdi ki, müəssisə üzrə cari ilin iyul ayında ümumilikdə 10,6 milyon kilovatsaatdan artıq elektrik enerjisi istehlak edilmişdir ki, bu da ötən ilin eyni dövründəki istehlakdan 78 min kilovatsaat çoxdur. Ödəniş isə ötən ilin eyni dövründəki göstəricidən mütləq 3 faizdən çox artmışdır. O cümlədən, daimi əhali istehlakçı qrupunda isə 3,9 milyon kilovatsaata yaxın elektrik enerjisi istehlak edilmişdir. Ötən ilin müvafiq dövrü ilə müqayisədə istehlak 224 min kilovatsaatdan çox azalmış, ödənişdə mütləq artım 9 faizə yaxın olmuşdur.

Yeri gəlmişkən, cari ilin 7 ayı ərzində ümumi istehlak ötən ilin müvafiq dövrü ilə müqayisədə 1,6 milyon kilovatsaata yaxın azalaraq 80,3 milyon kilovatsaata yaxın olmuşdur. Ödənişdə mütləq artım isə 1 faizə yaxın olmuşdur. O cümlədən, daimi əhali istehlakçı qrupunda istehlak 27,2 milyon kilovatsaatdan artıq olmuşdur. Nətəcədə ötən ilin müvafiq dövrü ilə müqayisədə istehlak 1,1 milyon kilovatsaatdan çox azalmış, ödənişdə mütləq artım isə 9 faizdən artıq olmuşdur.

Müəssisədən bilidirildiyinə görə, müntəzəm olaraq yerinə yetirilən təmir –bərpa işləri enerji ötürücülərin iş qabiliyyətini artırır, enerji itkilərinə yol açan amilləri  məhdudlaşdırır.