“Respublikanın sosial-iqtisadi həyatının bütün sahələrində inkişaf davam edir. O cümlədən, şəhər və qəsəbələrdəki sənaye obyektlərinin ildən-ilə çoxalması ilə əlaqədar elelktrik enerjisinə olan tələbatın daha da artdığını nəzərə alınaraq, əsas yarımstansiyalarda olan transformatorların bəziləri daha güclüləri, köhnə tipli yağ açarları müasir, zamanın tələblərinə cavab verən eleqaz, vakuum açar­larla əvəz edilir. Bundan başqa, mövsümi tədbirlər planına, əsasən bütün işlər ardıcıllıqla, vaxtında  və  keyfiyyətlə   yerinə   yetirilib”, – deyən  “Sumqayıt yüksəkgərginlikli elektrik şəbəkəsi”nin (YGEŞ) məsul işçisinin “Azərenerji” ASC-nin Mətbuat xidmətinə verdiyi məlumata görə, cari ilin son üç ayı ərzində şəhərətrafı YGEŞR üzrə bir sıra tədbirlər də reallaşdırılmışdır.

Görülən işlərə nümunə olaraq 110 kV-lik “Sitalçay” yarımstansiyasında hər birinin gücü 16 MVA olan 1 və 2 saylı transformatorların, xüsusi sərfiyyat transformatorlarının, 35 və 6 kV-lik yağ açarlarının təmiri göstərilə bilər.

Qeyd edək ki, analoji təmir işləri 110 kV-lik “SAZ-1”, “SAZ-2”, “Xəzri”, “Ceyranbatan” yrımstansiyalarında da həyata keçirilmişdir. Bütün bunlarla yanaşı “Xəzri” yarımstansiyasında yeni qəza yağ tutumunun tikintisi də başa çatdırılmışdır.

Onu da qeyd etmək yerinə düşərdi ki, müəssisənin balans mənsubiyyətinə aid olan 110 kV-lik “Goradil”, “Şamaxı”, “Xırdalan” və “Sulfanol” yarımstansiyalarında da həyata keçirilmiş müxtəlif təyinatlı təmir işləri enerjinin ötürülməsi sistemini dayanıqlığını daha da möhkəmləndirmişdir.

Bununla yanaşı şəbəkənin  balansında  olan  bütün 110-500 kV-lik  hava elektrik verilişi xətlərində  və  yarımstansiyalarda yenidənqurma, əsaslı  və  cari  təmir   işləri vaxtında və  keyfiyyətlə  yerinə  yetirilir. Sözügedən dövrdə 110 kV-lik “Xırdalan”, “Masazır”, I-II “Şamaxı” və digər bir neçə HX-də aparılmış təmir işləri zamanı naqillər yenilənmiş, şleflər təftiş edilmiş, izolyatorlar dəyişdirilmiş, sallaq naqillər çəkilmişdir.

Xatırladaq ki, təməli 1964-cü ildə qoyulmuş bu müəssisə Sumqayıt  regionu  ilə  paralel  olaraq,  ölkəmizin  şı­mal bölgəsiniə, Abşeron  yarımadasının  bir  hissəsiniə, eləcə  də  Şamaxı-Qobustan (Mərəzə) rayonlarına elektrik enerjisinin ötürülməsini həyata keçirir.