“Ötən illərdə olduğu kimi cari ildə də müəssisənin xidməti ərazilərində sistem əhəmiyyətli xeyli təmir -bərpa işləri həyata keçiriılmişdir”, – deyən “Ağsu Elektrik Şəbəkəsi”nin (EŞ) məsul işçisi reallaşdırılan işlərin gedişi barəsində “Azərenerji” ASC-nin Mətbuat xidmətinə məlumat vermişdi.

Onun bildirdiyinə görə, cari ilin son üç ayı ərzində müəssisənin balans mənsubiyyətinə aid olan transformator məntəqələrinin 31-də müxtəlif təyinatlı təmir işləri həyata keçirilimişdir. Qeyd edək ki, hesabat dövründə elektrik verilişi xətlərində (EVX) də müxtəlif təyinatlı təmir işləri həyata keçirilmişdir. O cümlədən 10 kV-lik “Cəfərli”, “Sabir”, II “Kənd” HX-lərinin ümumilikdə 6 kilometrə yaxını təmir edilmişdir. Eyni zamanda müəssisənin xidməti ərazisində olan 0,4 kV-lik xətlərdə təxirəsalınmaz işlər həyata keçirilmiş, o cümlədən 9 kilometrə yaxın xətt təmir edilmişdir.

“Bütün bunlarla yanaşı elektrik enerjisindən istifadə zamanı qaydaların pozulmasının qarşısının alınması istiqamətində də xeyli işlər görülmüş və bu istiqamətdə tədbirlər davam etdirilir”, - deyən mənbə aşkar edilmiş qayda pozuntuları barəsində də məlumat verdi.

Onun sözlərinə görə, cari ilin iyun ayında keçirilmiş reydlər zamanı 14  qayda pozuntusu (bunun 10-u məişət abonenti (əhali) istehlakçılar qrupuna aiddir) qeydə alınmış və itirilmiş elektrik enerjinin istehlak dəyərinin bərpa edilməsi məqsədilə müvafiq aktlar tərtib edilmişdir. Nəticədə 56,7 min kiovatsaata yaxın (bunun 18,3 min kilovatsaata yaxını məişət aboneneti (əhali) istehlakçılar qrupuna aiddir) elektrik enrjisi itkisi qeydə alınmışdır ki, onun da istehlak dəyəri 3,4 min manata yaxındır.

Onu da qeyd etmək yerinə düşərdi ki, cari ilin 6 ayı ərzində isə müəssisə üzrə 116 qayda pozuntusu (bunun 99-u məişət aboneneti (əhali) istehlakçılar qrupuna aiddir) aşkar edilərək 364,6 min kilovatsaata yaxın (bunun 269,6 min kilovatsaatdan çoxu məişət abonenti (əhali) istehlakçılar qrupuna aiddir) itirilmiş elektrik enerjisinin 21,9 min manata yaxın istehlak dəyəri bərpa edilmişdir. Həyata keçirilmiş məqsədyönlü tədbirlər nəticəsində həmin bu məbləğin 72 faizə yaxın hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir.

Mənbə onu da bildirdi ki, cari ilin iyun ayında müəssisə üzrə 3,4 milyon kilovatsaata yaxın elektrik enerjisi istehlak edilmişdir ki, bu da ötən ilin müvafiq dövrü ilə müqayisədə 454 min kilovatsaata yaxın azdır.  O cümlədən, daimi əhali istehlakçı qrupunda isə istehlak ötən ilin eyni dövrü ilə müqayisədə 159 min kilovatsaata yaxın artaraq 1,7 milyon kilovatsaatdan çox olmuşdur. Ödənişdə mütləq artım isə 7,4 faiz olmuşdur.

Onu da qeyd etmək yerinə düşərdi ki, cari ilin 6 ayı ərzində isə ümumi istehlak ötən ilin müvafiq dövrü ilə müqayisədə 659 min kilovatsaat azalaraq 19,7 milyon kilovatsaatdan çox olmuşdur. Ötən ilin müvafiq dövrünə nisbətən ümumi ödəniş mütləq 6 faizə yaxın artıb. O cümlədən, daimi əhali istehlakçı qrupunda isə istehlak 11,9 milyon kilovatsaatdan artıq olmuşdur ki, bu da ötən ilin müvafiq dövrü ilə müqayisədə 336 min kilovatsaat çoxdur. Ödənişdə mütləq artım isə 12 faizdən çox təşkil etmişdir.