“Xırdalan Elektrik Şəbəkəsi”nin balans mənsubiyyətinə aid olan enerji təsərrüfatının fəaliyyətini daha da yaxşılaşdırmaq, istehlakçıların elektrik enerjisi ilə təchizatını daha dayanıqlı təmin etmək məqsədi ilə mühüm işlər həyata keçirilir.

Bu barədə sözügedən müəssisədən “Azərenerji” ASC-nin Mətbuat xidmətinə verilən məlumatda bildirilib. Son vaxtlar rayonun elektrik təsərrüfatında xeyli iş görülüb, nəticədə bir çox enerji təchizatının səviyyəsi daha da yüksəlib. Hazırda istehlakçılar sutka ərzində daha da keyfiy­yətli elektrik enerjisi ilə təmin edilir. Bütün bunlar elektrik təsər­rüfatında həyata keçirilən tədbirlərlə əlaqədardır. Hazırda istehlakçıların elektrik enerjisi təchizatının yaxşılaşdırılması ilə bağlı mühüm tədbirlər davam etdirilir.

Qeyd edək ki, cari ilin son üç ayı ərzində 10, 6 və 0,4 kV-lik hava xətlərində 8,4 kilometr uzunluğunda naqil yenisi ilə əvəz olunub, 9,6 kilometrə yaxın SİP kabel çəkilib. Eyni zamanda 300 metrə yaxın kabel xətti çəkilmişdir. Bütün bunlarla yanaşı 17 TM-də müxtəlif təyinatlı təmir işləri həyata keçirilmiş, 9 transformator da əsaslı təmir edilərək yerinə quraşdırılıb.  Onu da qeyd edək ki, bütün TM və KTM-lərin ərazisi, xətlərin trassası yaşıl kütlədən təmizlənib. Həmçinin, ilkin yanğınsöndürmə vasitələrinə ba­xışlar keçirilib, inventarların sax­lanma qaydaları yoxlanılıb.

Mənbə onu da bildirdi ki, cari ilin iyun ayında müəssisənin xidməti ərazisində həyata keçirilmiş reydlər zamanı 150-dən çox istehlakçının (bunun 145-i məişət abonenti (əhali) istehlakçıları qrupuna aiddir) elektrik enerjisindən istifadə qaydalarını pozması faktı aşkar edilmişdir. Aşkar edilmiş qayda pozuntuları əsasən tərtib edilmiş aktlar üzrə müvafiq qaydada hesabatlar aparılaraq 314,2 min  kilovatsaatdan artıq (bunun 288,8 min kilovatsaatdan çoxu məişət abonenti (əhali) istehlakçıları qrupuna aiddir) itirilmiş elektrik enerjisinin 18,9 min manata yaxın istehlak dəyəri bərpa edilmişdir.

Yeri gəlmişkən, cari ilin 6 ayı ərzində isə 1090-a yaxın (bunun 1012-i məişət abonenti (əhali) istehlakçıları qrupuna aiddir) qayda pozuntusu aktı tərtib olunmuş, 3 milyon 544,4 min kilovatsaata yaxın (bunun 2 milyon 646,9 min kilovatsaata yaxını məişət abonenti (əhali) istehlakçıları qrupuna aiddir) itirilmiş elektrik enerjisinin 212,7 min manata yaxın istehlak dəyəri bərpa edilmişdir. Həyata keçirilən müvafiq tədbirlər nəticəsində həmin bu məbləğin 65 faizə yaxın hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər görülür.

Mənbədən əldə edilən digər bir məlumata görə, cari ilin iyun ayında müəssisənin xidməti ərazisində 24,1  milyon kilovatsaatdan artıq elektrik enerjisi istehlak edilmişdir ki, bu da ötən ilin eyni dövründəki istehlakdan 528 min kilovatsaat çoxdur. Ödəniş isə ötən ilin eyni dövrü ilə müqayisədə mütləq 26 faizə yaxın artmışdır. O cümlədən, daimi əhali istehlakçı qrupu tərəfindən istehlak 7,9 milyon kilovatsaatdan artıq olmuşdur. Nəticədə ötən ilin eyni dövrü ilə müqayisədə istehlak 699 min kilovatsaatdan çox artmış, ödənişdə mütləq artım isə 15 faiz olmuşdur.

Onu da qeyd  edək ki, cari ilin 6 ayı ərzində müəssisə üzrə istehlak ötən ilin eyni dövründəki istehlakla müqayisədə 22,2 milyon kilovatsaatdan çox artaraq 191,2 milyon kilovatsaata yaxın olmuşdur. Ödənişdə mütləq artım isə 14,5 faiz olmuşdur.  O cümlədən, daimi əhali istehlakçı qrupu üzrə bu göstəricilər müvafiq olaraq 15,8 milyon kilovatsaatdan çox, 81 milyon kilovatsaatdan artıq və 4 faiz olmuşdur.

Yeri gəlmişkən, şəbəkədə işçilərin peşəkarlıq səviyyəsinin yüksəldilməsinə daim diqqət yetirilir. Bunun üçün mütəmadi olaraq qəza məşqləri, müxtəlif treninqlər keçirilir. Əməyin mühafizəsi və texniki təhlükəsizlik məsələləri də arzuolunan səviyyədədir. İşçilər texniki təhlükəsizlik və əməyin mühafizəsi ilə bağlı mütəmadi olaraq təlimatlandırılırlar.