“Beyləqan Elektrik Şəbəkəsi”ndən “Azərenerji” ASC-nin Mətbuat xidmətinə daxil olan məlumata görə, bu ilin əvvəlindən müəssisənin xidməti ərazisində 46,9 milyon kilovat-saata yaxın elektrik enerjisi istehlak olub. Ötən ilin müvafiq dövründə isə həmin göstərici 47 mil­yon kilovat-saata yaxın idi. O cümlədən, daimi əhali istehlakçı qrupunda isə istehlak ötən ilin müvafiq dövrü ilə müqayisədə 1,2 milyon kilovatsaatdan çox artaraq 16 milyon kilovatsaatdan artıq olmuşdur. Ödəniş isə ötən ilin müvafiq dövrü ilə müqayisədə mütləq 13,3 faiz artmışdır. Yei gəlmişkən, cari ilin aprel ayında müəssisə üzrə 9,8 milyon kilovatsaatdan artıq elektrik enerjisi istehlak edilmişdir. Bu da ötən ilin müvafiq dövrü ilə müqayisədə 1,7 milyon kilovatsaat çoxdur.  İstehlak edilmiş elektrik enerjisinin dəyərinin ödənişi isə ötən ilin eyni dövründəki göstərici ilə müqayisədəd mütləq 2 faizə yaxın artmışdır. O cümlədən, daimi əhali istehlakçı qrupunda isə istehlak ötən ilin müvafiq dövrü ilə müqayisədə 800 min kilovatsaata yaxın artaraq 3,5 milyon kilovatsaatdan artıq, ödənişdə  isə mütləq artım 15 faizdən çox olmuşdur.

“Şəbəkədən daxil olan məlumata görə, ən çox itki Daşburun, Milabad və Dəmiryolu istiqamətində müşahidə edilib. Mövcud problemin aradan qaldırılması məqsədlə yalnız Milabad qəsəbəsində 650 metr kabel istifadə olunmaqla 150 sayğac evlərdən və həyətlərdən baxış üçün əlverişli yerə çıxarılıb”, – deyən mənbə onu da bildirdi ki, son üç ay ərzində müəssisənin balans mənsubiyyətinə aid olan 10 kV-lik xətlərin 5,6 km-ə yaxın hissəsində müxtəlif təyinatlı təmir işləri həyata keçirilmişdir. Eyni zamanda rayonun II Şahsevən, Binnətli, Təzəkənd, Qaralar və digər bir neçə kənlərində, eyni zamanda Beyləqan şəhər ərazisində 0,4 kV-lik xətlərdə aparılan təmir işləri zamanı 4,2 km xətt təmir olunmuşdur. Qeyd edək ki, sözügedən dövrdə müəssisənin balans mənsubiyyətinə aid olan TM-lərdə aparılan müxtəlif təyinatlı təmir işləri zamanı 35-dən artıq transformator da təmir edilərək istifadəyə verilmişdir. Yeri gəlmişkən, təxminən 5 min abonentin olduğu Beyləqan rayon mərkəzində şəbəkənin tamamilə yenidən qurulması nəzərdə tutulur. Artıq bu məqsədlə layihələşdirilmə işləri başa çatdırılıb.

Mənbə onu da bildirdi ki, cari ilin aprel ayında şəbəkə üzrə elektrik enerjisindən qeyri-qanuni istifadə halları ilə əlaqədar 82 akt tərtib olunub və nəticədə 126 min kilovat-saata yaxın itirilmiş elektrik enerjisinin 7,6 min manata yaxın istehlak dəyəri bərpa olunub. Müəyyənləşdirilmiş məbləğin 50 faizdən çoxunun ödənişi təmin olunub. Ümumilikdə isə 4 ay ərzində 570-ə yaxın akt əsasında 1 milyon 101,8 min kilovat-saata yaxın itirilmiş elektrik enerjisinin 66,1 min manatdan artıq istehlak dəyəri bərpa edilib ki, onun da 45 faizinin ödənişi təmin olunub, qalan hissənin ödənilməsi üçün tədbirlər görülür.

Məlum olduğu kimi, hazırda enerji itkisinin aradan qaldırılması, uçotun səmərəli təşkili üçün vacib olan amillərdən biri də elektrik enerjisindən sayğacdankənar istifadənin qarşısının alınmasıdır. Son üç ayda şəbəkə üzrə 529 ədəd sayğac quraşdırılıb.