Enerji obyektlərində aparılan yenidənqurma işləri “Mingəçevir” REŞ-in xidməti ərazilərindəki  6-10 və 0,4 kV-lik paylaıcı şəbəkələrindən də yan keçmədi. Müəssisədən “Azərenerji” ASC-nin Mətbuat xidmətinə bu barədə geniş məlumat verilmişdir.

“Ağdam” EŞ-in xidməti ərazisində istehlakçıların daha da dayanıqlı və keyfiyyətli elektrik enerjisinin ötürülməsinin təmin edilməsi məqsədilə 10, 6 və 0,4 kV-lik Paylayıcı şəbəkələrdə son üç ay ərzində bir sıra  işlər aparılıb. Belə ki, texniki göstəricilərin daha da yaxşılaşdırılması məqsədilə 10 kV-lik “Əhmədağalı”, “Quzanlı”, “Qarabağlı”, “Qərvənd” və digər bir neçə hava xətlərində təmir işləri aparılmış, xətt yaşıl kütlədən təmizlənmiş, naqillər dartılmış və əyri dayaqlar düzləndirilmişdir. Umimilikdə sözügedən dövrdə 10 kV-lik EVX-lərin 5,5 km-ə yaxını təmir edilmişdir.

Qeyd edək ki, EŞ-nin 0,4 kV-lik EVX-ləri üzrə isə 5 kilometrə yaxın hissədə müvafiq təmir işləri aparılmış, 20-ə yaxın travers quraşdırılmış və 100-ə yaxın izolyator dəyişdirilmişdir. Bu müddət ərzində paralele olaraq 50-dən artıq TM-də müxtəlif təyinatlı təmir işləri həyata keçirilmişdir.

Onu da qeyd edək ki, cari ilin aprel ayında müəssisənin xidməti ərazisində keçirilmiş reydlər zamanı 74 istehlakçının (bunun 40-dan çoxu məişət abonenti (əhali) istehlakçıları qrupuna aiddir) elektrik enerjisindən istifadə qaydalarını pozması faktı aşkar edilmişdir. Aşkar edilmiş qayda pozuntuları müvafiq qaydada aktlaşdırılaraq 736,3 min kilovatsaatdan artıq (bunun 136,9 min kilovatsaatdan çoxu məişət abonenti (əhali) istehlakçıları qrupuna aiddir) itirilmiş elektrik enerjisinin 44,2 min manata yaxın istehlak dəyəri bərpa edilmişdir.

Yeri gəlmişkən, cari ilin 4 ayı ərzində isə burada 168 istehlakçının (bunun 100-dən çoxu məişət abonenti (əhali) istehlakçıları qrupuna aiddir) sayğac uçot komplektində pozuntu faktı aşkar edilmişdir. Aşkar edilmiş qayda pozuntularına görə 1 milyon 341,1 min kilovatsaatdan artıq (bunun 373,5 min kilovatsaata yaxını məişət abonenti (əhali) istehlakçıları qrupuna aiddir)  itirilmiş elektrik enerjisinin 80,5 min manata yaxın istehlak dəyəri bərpa edilmişdir. Həyata keçirilmiş müvafiq tədbirlər nəticəsində həmin bu məbləğin ödənişi təmin edilmişdir.

Mənbədən əldə edilən digər bir məlumata görə, cari ilin aprel ayında müəssisənin xidməti ərazisində 18,6 milyon kilovatsaatdan artıq elektrik enerjisi istehlak edilmişdir ki, bu da ötən ilin eyni dövründəki istehlakdan 1,3 milyon kilovatsaat çoxdur. O cümlədən, daimi əhali istehlakçı qrupu tərəfindən istehlak 907 min kilovatsaatdan artıq olmuşdur ki, bu da ötən ilin eyni dövründəki istehlakdan 132 min kilovatsaat azdır.

Onu da qeyd etmək yerinə düşərdi ki, cari ilin 4 ayı ərzində müəssisə üzrə istehlak ötən ilin eyni dövründəki istehlakla müqayisədə 6,8 milyon kilovatsaata yaxın azalaraq 59,7 milyon kilovatsaata yaxın olmuşdur. Ödənişdə mütləq artım isə 40 faiz olmuşdur.  O cümlədən, daimi əhali istehlakçı qrupu üzrə bu göstəricilər müvafiq olaraq 1,2 milyon kilovatsaata yaxın, 4,1 milyon kilovatsaata yaxın və 11,5 faiz olmuşdur.