«Azərenerji» ASC-nin mü­əssisələrində əməyin mü­hafizəsi və təhlükəsizlik texnikasının vəziyyətinə dair daha bir - sayca doqquzuncu baxış-müsabiqəyə yekun vurulub.

“Azərenerji” ASC-nin Mətbuat xidməti bildirir ki, məqsədi sağlam və təhlükəsiz əmək şəraitinin təmin olunması, dövri tibbi müayinələrin, təhlükəsizlik texnikası günlərinin, qəza və əks-yanğın məşqlərinin keyfiyyətlə aparılması, işçilərin istirahətinin səmərəli təşkil edilməsindən ibarət olan baxış-müsabiqə əvvəlki illərdə olduğu kimi, bu dəfə də sağlam rəqabət mühiti əsasında reallaşıb.

Müəs­sisələr tərəfindən təqdim olunan sənədlər, iş yerlərinə keçirilən baxışlar əsasında komissiya üzvlərinə müvafiq arayış və cədvəllər təqdim olunub.  Həmin sənədlərin təhlili əsasında təşkilat komitəsinin üzvləri qalib müəssisələrin mükafatlandırılmasını və kollektiv müqavilədə qalib müəssisələr üçün təsis olunmuş mükafat fondunu işçilərin əmək şəraitinin yaxşılaşdırılması istiqamətinə sərf olunmasını xahiş ediblər.

Beləliklə də, enerjinin istehsalı müəssisələrindən “Şəmkir SES”   birinci yerə layiq görülüb. “Azərbaycan İES” və “Şahdağ ES” isə ikinci yeri bölüşüblər. Elektrik enerjisinin ötürülməsi müəssisələrindən “Sumqayıt Yüksək Gərginlikli Elektrik Şəbəkəsi” yenidən birinci mükafatın sahibi olub. “Abşeron REŞ” və “Gən­cə REŞ” isə ikinci yerdə bərqərar olublar. Sahə xidmət müəssisələrindən “Ener­jisistemin İdarəetmə Vasitələri Şəbəkəsi” birinci, “Azər­baycan Elmi-Tədqiqat və La­yi­hə-Axtarış Energetika İnstitutu” isə ikinci yerə layiq gö­rülüb.

Yeri gəlmişkən, “Şəki ES” və “İmişli REŞ”-in baxış-müsabiqədə yer tutmamalarına baxmayaraq, komissiya üzvləri yekdilliklə bu müəssisələrin işini qənaətbəxş hesab edib.