İstehlakçılara göstərilən  xidmətin keyfiyyətinin daha da yüksəldilməsi, texnoloji itkilərin müəyyən olunmuş həddə saxlanması, kommersiya itkilərinin qarşısının alınması, istehlak edilmiş elektrik enerjisinin sərfinə görə ödənişlərin 100 faizə çatdırılması qarşıda duran ən mühüm vəzifələrdəndir. Bu istiqamətdə təxirəsalınmaz tədbirlər görülür.

“Şəmkir” elektrik şəbəksindən (EŞ) “Azərenerji” ASC-nin Mətbuat xidmətinə daxil olan məlumata görə, istehlakçıların enerji təminatını daha da möhkəmləndirmək məqsədilə cari ilin son üç ayı ərzində bir sıra tədbirlər həyata keçirilmişdir. Belə ki, 30-dan artıq transformator məntəqəsində müxtəlif təyinatlı təmir işləri həyata keçirilmiş, eyni zamanda ümumi gücü 4 MVA-dan artıq olan 16 transformatorda təmir edilərək istehlakçıların istifadəsinə verilmişdir.

Mənbəyə istinadən qeyd edək ki, təmir işləri elektrik verilişi xətlərindən də yan keçməmişdir. Belə ki, 10 və 6 kV-lik EVX-lərin 2 kilometrə və 0,4 kV-lik xəttin isə 2,4 kilometrə yaxın hissəsində müxtəlif təyinatlı təmir işləri həyata keçirilmiş və 150-dən artıq smartkart tipli sayğac quraşdırılmışıdr. Yeri gəlmişkən, mənbə onu da bildirdi ki, yenidənqurma və təmir işləri ilə yanaşı xətlərə mane olan yaşıl kütlə təmizlənmiş, TM və KTM-lərdə avadanlıqlar təftiş edilmiş, ərazi quru otlardan təmizlənmişdir.

“Həyata keçirilən təmir-bərpa işləri nəinki istismar səviyyəsinin daha da yüksəldilməsinə, eyni zamanda enerji haqlarının ödənilməsində də mühüm rol oynayır” – deyən mənbə onu da qeyd etdi ki, cari ilin aprel ayında müəssisə üzrə 27,6 milyon kilovatsaata yaxın elektrik enerjisi istehlak edilmişdir. Bu da ötən ilin müvafiq dövrü ilə müqayisədə 2,9 milyon kilovatsaata yaxın çoxdur. İstehlak edilmiş elektrik enerjisinin dəyərinin ödənişi isə ötən ilin eyni dövründəki göstərici ilə müqayisədəd mütləq 51 faizdən çox artmışdır. O cümlədən, daimi əhali istehlakçı qrupunda isə istehlak ötən ilin müvafiq dövrü ilə müqayisədə 694 min kilovatsaata yaxın artaraq 6,6 milyon kilovatsaatdan çox, ödənişdə  mütləq artım isə 6,5 faiz olmuşdur.

Qeyd edək ki, cari ilin 4 ayında müəssisə üzrə istehlak ötən ilin müvafiq dövrü ilə müqayisədə 3,3 milyon kilovatsaatdan çox artaraq 92,8 milyon kilovatsaata yaxın olmuşdur. Ödəniş isə ötən ilin müvafiq dövrü ilə müqayisədə mütləq 16 faizdən çox artmışdır. O cümlədən, daimi əhali istehlakçı qrupunda isə bu göstəricilər 532 min kilovatsaat, 33,8 milyon kilovatsaata yaxın, 12 faizdən çox olmuşdur.

Mənbə onu da bildirdi ki,  cari ilin aprel ayında müəssisə üzrə 84  qayda pozuntusu aşkar edilərək 1 milyon 408,2 min kilovatsaatdan artıq itirilmiş elektrik enerjisinin 84,5 min manata yaxın istehlak dəyəri bərpa edilmişdir. Hesabat ayında həmin bu məbləğin ödənişi təmin edilmişdir.

Onu da qeyd edək ki, cari ilin 4 ayı ərzində isə istehlakçıların elektrik enerjisindən istifadə qaydalarına riayət etmələrinin yoxlanılması ilə bağlı keçirilmiş reydlər zamanı 287 istehlakçının sayğac uçot komplektində qüsur aşkar edilərək 5 milyon 750,1 min kilovatsaata yaxın itirilmiş elektrik enerjisinin 345 min manatdan artıq istehlak dəyəri bərpa edilmişdir. Həyata keçirilən müvafiq tədbirlər nəticəsində həmin bu məbləğin 66 faizdən artıq hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir.

“Cari ilin 4 ayı ərzində aşkar edimiş qayda pozuntularına görə 5 istehlakçının sənədləri tədbir görülməsi üçün hüquq-mühafizə orqanlarına göndərilmişdir”, -  deyən məndə sonda onu da qeyd etdi ki, enerji təsərrüfatının yenidən qurulması və təmiri işləri bundan sonra da davam ediriləcəkdir.