İstehlakçılara göstərilən  xidmətin keyfiyyətinin daha da yüksəldilməsi ilə yanaşı elektrik enerjisindən istifadə zamanı qaydaların pozulmasının qarşısının alınması məqsədilə xeyli işlər görülmüş və bu istiqamətdə işlər davam etdirilir.

“Azərenerji” ASC-nin Mətbuat xidmətinə “Qobustan” elektrik şəbəkəsindən (EŞ) daxil olan məlumata görə, müəssisənin xidməti ərazisində 2013-cü ilin avqust ayında keçirilmiş reydlər zamanı 12 istehlakçının (bunun 8-i məişət abonenti (əhali) istehlakçıları qrupuna aiddir) sayğac uçot komplektində pozuntusu aşkar edilərək müvafiq qaydada akt tərtib olunmuşdur. Aktlar üzrə pozuntunun xarakterinə uyğun hesabat aparılaraq 11,5 min kilovatsaata yaxın (bunun 2,9 min kilovatsaata yaxını məişət abonenti (əhali) istehlakçıları qrupuna aiddir) itirilmiş elektrik enerjisinin 690 manata yaxın istehlak dəyəri bərpa edilmişdir.

Qeyd edək ki, cari ilin 8 ayı ərzində müəssisənin xidməti ərazisində keçirilmiş reydlər zamanı 115 istehlakçının (bunun 92-i məişət abonenti (əhali) istehlakçıları qrupuna aiddir)  elektrik enerjisindən istifadə qaydalarını pozması faktı aşkar edilmişdir. Aşkar edilmiş qayda pozuntuları müvafiq qaydada aktlaşdırılmış və 129,9 min  kilovatsaata yaxın (bunun 103,8 min kilovatsaata yaxını məişət abonenti (əhali) istehlakçılar qrupuna aiddir) itirilmiş elektrik enerjisinin 7,8 min manata yaxın istehlak dəyəri bərpa edilmişdir. Həyata keçirilən müvafiq tədbirlər nəticəsində həmin bu məbləğin 64 faizdən artıq hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir.

“Müəssisənin xidməti ərazisində istehlakçıların daha da dayanıqlı və keyfiyyətli elektrik enerji təminatının təmin edilməsi məqsədilə 10, 6 və 0,4 kV-lik paylayıcı şəbəkələrdə son üç ay ərzində bir sıra  işlər aparılıb”, – deyən mənbə onu da bildirdi ki, 10 kV-lik “Ərəbqədim” və “Şixzərli” HX-də aparılan yenidənqurma işləri zamanı bir km-ə yaxın xətt yenilənmişdir. Ümumiyyələ, müəssisənin balans mənsubiyyətinə aid olan “Nabur”, “Poladlı”, I-II “Şəhər”, “Cəyirli” və digər xətlərdə həyata keşirilmiş müxtəlif təyinatlı təmir işləri zamanı xeyli sayda izolyator, xətt armaturu dəyişdirilmiş və eyni zamanda xətlərin ümumilikdə 3,2 kilometrdən artıq hissəsi yenilənmişdir. Eyni zamanda 10 dayaq quraşdırılmış, 600 metrə yaxın SİP kabel xətti çəkilmiş və 100-ə yaxın sayğac quraşdırılmışdır.

Bu müddət ərzində paralel olaraq 10 TM-də də müxtəlif təyinatlı təmir işləri həyata keçirilmişdir. Bütün bunlarla yanaşı “Şəhər-3” HX-dən qidalanan bir TM də quraşdırılmışdır.

Mənbə onu da bildirdi ki, cari ilin avqust ayında müəssisə üzrə 1,5 milyon kilovatsaata yaxın elektrik enerjisi istehlak edilmişdir. Bu da ötən ilin müvafiq dövründəki istehlakla müqayisədə 43,2 min kilovatsaat çoxdur. O cümlədən, daimi əhali istehlakçı qrupunda isə istehlak ötən ilin müvafiq dövrü ilə müqayisədə bir min kilovatsaat azalaraq bir milyon kilovatsaatdan çox olmuşdur. Qeyd edək ki, cari ilin 8 ayı ərzində müəssisə üzrə istehlak ötən ilin müvafiq dövrü ilə müqayisədə 1,3 milyon kilovatsaatdan çox artaraq 12,3 milyon kilovatsaatdan artıq olmuşdur. Ödəniş isə ötən ilin müvafiq dövrü ilə müqayisədə mütləq 5  faizdən çox artmışdır. O cümlədən, daimi əhali istehlakçı qrupu üzrə istehlak ötən ilin müvafiq dövrü ilə müqayisədə 792 min kilovatsaata yaxın artaraq 8,8 milyon kilovatsaata yaxın olmuşdur. Ödənişdə mütləq artım isə 2 faizə yaxın olmuşdur. Sonda qeyd edək ki, dayanıqlığın müntəzəm olaraq təmin edilməsi məqsədilə ənənvi təmir-bərpa işləri davam etdirilir.