“Mingəçevir Regional Elektrik  Şəbəkəsi”nin tərkibində əaliyyət göstərən “Tərtər”  elektrik şəbəkəsində bu ilin ilk aylarında bir sıra  texniki yeniliklər həyata keçirilib.

Sözügedən müəssisədən “Azərenerji” ASC-nin Mətbuat xidmətinə daxil olan məlumatda bildirilir ki, cəbhəyanı ərazi olan Tər­tərdə elektrik enerji təsər­rüfatının istismar səviyyəsinin yaxşılaşdırılması məqsədilə bü­tün yarımstansiya və transformator məntəqələrində zəruri təmir işləri aparılır. İstehlakçıların say­ğac-uçot komplektləri müntəzəm  yoxlanılır, aşkar edilən qüsur və nöqsanlar operativ surətdə aradan qaldırılır.

Mənbəyə istinadən qeyd edək ki, “Tərtər”, “İsmayılbəyli”, “Sa­rıcalı” və “Dəmirlər”  yarımstansiyalarındakı 35 kilovoltluq yağ açarları təmir edilib və yeni yağ açarları quraşdırılıb. Ya­rım­stan­siyalardakı müxtəlif  gücə ma­lik trans­formatorların əksəriy­yəti  da­ha güclü transformatorlarla əvəz edilib. Rayonu enerji ilə təchiz edən 110 kV-lik “Naftalan-Tərtər” və “Bərdə-Tərtər” hava xətləri təmirdən  çıxarılıb. Eyni zamanda şəbəkənin balansında olan 35 kV-lik “Sarıcalı”, “Dəmirlər” və “İs­mayılbəyli” hava  xətlərində də müxtəlif təyinatlı təmir işləri həyata keçirilib.

Onu da qeyd etmək yerinə düşərdi ki, təmir kampaniyası çərçivəsində rayon üzrə 10, 6 və 0,4 kV-lik hava xətlərində 100-ə yaxın dayaq dəyişdirilib, 220-ə yaxın dayaq  düzləndirilib, 82,3 km-lik hissədə əsaslı təmir işi görülüb. Bütün bunlarla yanaşı il ərzində 150-ə yaxın  transformator təmir edilərək istehlakçıların xidmətinə verilmişdir.

Sonda onu da qeyd edək ki, tərtərli  təmirçilər bu ilin yanvar-fevral aylarında da  şəbəkənin dayanıqlılığını artırmaq üçün  müvafiq  tədbirlər görüblər.